羅大佑 再會吧欲來去 歌詞

7.再會吧欲來去

天通日片 劍風子守歌 主題曲
作詞：王武雄
作曲：羅大佑
編曲：花比傲
合唱：ＯＫ男女

抬頭三叢香 蒼天做証見 倆人心連心 捧杯免細膩
時代風雲天 生存靠正義 青春好男兒 為國欲告辭
嘿喲哼嘿喲 再會啦欲來去 嘿喲哼嘿喲 再會啦欲來去

紅顏染胭脂 含淚帶笑意 生來不逢時 不是歹八字
人無照天年 天無照甲子 漂泊孤單身 魂魄展意志
嘿喲哼嘿喲 永遠的同志 嘿喲哼嘿喲 永遠的同志

情義閃光輝 千千萬萬年 情斷葉離枝 心內愛準備
期待凱旋歸 長歌唱勝利 若是轉袂來 猶原免失志
嘿喲哼嘿喲 勇敢的活落去 嘿喲哼嘿喲 勇敢的活落去

抬頭咱的天 越頭笑過去 命在萬重圍 成敗算什麼
離別斷腸詩 儘量免禁忌 不是領頭功 就是蓋國旗
嘿喲哼嘿喲 爽快也值錢 嘿喲哼嘿喲 爽快也值錢

心內三叢香 時代做証據 倆人心連心 情份永不移
青春好男兒 為國欲告辭 今後太平年 情夢再相隨
嘿喲哼嘿喲 再會啦欲來去 嘿喲哼嘿喲 再會啦欲來去
嘿喲哼嘿喲 再會啦欲來去 嘿喲哼嘿喲 再會啦欲來去